- 566 -

1426. Febr. 28. o. O.

Der Hofrichter und die Landschöppen fertigen der Stadt Liegnitz die vor ihnen geschehene Antwort des Peter Brauchitsch in dem Streite der Stadt mit demselben aus.

Ich Hannos Seber hoferichter czu Legnicz vnd dy man dy czum rahten sitczen doselbist Heincze Sweynechen, Nickil Borewicz, Hannos Swencz, Adam Falkenhayn, Heincze Posern, Hannos Eychholcz, Nickil Slewicz, Petsche Hertil, Gregor Tesschener vnd Hannos Hertwig bekennen, das vor vns in gehegtem dinge Petir Brawchatcz in seyner macht, Beretken vnd Thammen seyner bruder antworte vff der stad Legnicz clage also, wie sie en geschuldiget hetten von der heyde wegin das sie dy hetten gekauft vnd besessen iar vnd tag ane des rechten ansproche, des weren sie in dy heyde gefaren mit ires eygens gewalt mit den eren, doruff antworte her also, das her vnd seyne bruder eyne freyheit hetten in dy heyde vnd hetten dy freyheit gehat in gewere ee denne dy stad dy heyde gekauft hette vnd hetten sie auch noch in gewere, das sie beweysen wellen mit eren furstlichen briuen vnd ere gewere beweysen wellen wie dy man dirkennen vnd hoffen was sie gethan haben, das haben sie mit rechte gethan vnd begeren ap man icht ere fürstliche brive vorhoren sulle nehir vnd ee wenne si hocher antwort thun dorffin; vff das, alse sie clagen wie das dy Brauchatscher in der sperrunge in dy heyde gefaren weren mit gewalt vnd hetten dy sperrunge vnd gutlichen seten gebrochen, doruff antworte her, das her mit seynen brudern in die heyde gefaren ist durch eyns sulchen willen, das sie sich irre gewere nicht haben wolt lassen entweren noch erre briue lawt, des haben sie dy burger gephand mit eren dinern vnd nicht mit vnsers gnedigen herren kemmerer vnd seyn czum rechten gesessen, vnd seynt is auch ny entwerit vnd wellen das bleyben bey den mannen noch erer furstlichen briue lawte vnd begeren ap man dy icht vorhoren sulle vnd hoffen was sie getan haben das haben sie mit rechte gethan vnd nicht mit gewalt vnd hoffen auch, das eyne sperrunge nicht lenger gewerit, wenne von eyme dinge czum andern. Der antwert mutte dy stad dis briues der wart ir geteylet. Geschen am donerstage vor Oculi noch Crists geburd vierczenhundirt dornoch ym sechsvndczwenczigisten iare.

O. d. St. L. No. 313. An Pergamentstreifen das Siegel des Hofrichters und des Mannengerichtes.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866